İran Məclisinin (parlamentin) üzvü Məhəmməd Kasım Osmani Fələstinin HƏMAS hərəkatının siyasi bürosunun rəhbəri İsmayıl Haniyənin Tehranda öldürülməsinə cavab olaraq İsrailin baş naziri Binyamin Netanyahunu məhv etməklə hədələyib.
“Ümid edirəm ki, daha bir “Əsl vəd” əməliyyatı (13 apreldə İran raketləri və pilotsuz təyyarələrinin İsrail ərazisinə kütləvi hücumu) İsmayıl Haniyə üçün qan qisası kimi həyata keçiriləcək. Biz Netanyahunun ölümündən başqa heç nə ilə razılaşmırıq”, – IRIB telekanalı onun parlamentdəki çıxışının bir hissəsindən sitat gətirib.
Osmaninin fikrincə, İsrail “o qədər həyasızlaşıb” ki, artıq “Tehranda qonağın qanını tökür” və İran Haniyənin ölümünün qisasını almaq üçün əlverişli an seçəcək.
