2024-cü ilin birinci yarısında Ermənistanın xarici ticarət dövriyyəsi ötən ilin eyni dövrünün göstəricisini iki dəfə üstələyərək 18 milyard 407,3 milyon dollar təşkil edib.
Bu barədə Ermənistan Respublikasının Statistika Komitəsi Ermənistan Respublikasının Dövlət Gəlirləri Komitəsinin 2024-cü il iyulun 16-da təqdim etdiyi məlumatlara əsasən xəbər verir.
Bu ilin iyun ayında Ermənistanın xarici ticarət dövriyyəsi 2 milyard 27,7 milyon dollar təşkil edib ki, bu da may ayı göstəricisindən 6,7 faiz az, lakin 2023-cü ilin iyun ayının məlumatlarından 34,6 faiz çoxdur.
Cari ilin ilk 6 ayında Ermənistandan ixracın həcmi 2,3 dəfə artaraq 7 milyard 927,6 milyon dollara çatıb. İyun ayında bu, 856,4 milyon dollar təşkil edib. Bu, may ayının həcmindən 10,9 faiz az, lakin ötən ilin iyun ayı ilə müqayisədə 59,9 faiz çoxdur.
2024-cü ilin birinci yarısında idxal 86,5 faiz artaraq 10 milyard 479,7 milyon dollar olub. İyunun göstəricisi 1 milyard 171,3 milyon dollardır ki, bu da may ayının göstəricisindən 3,5 faiz azdır. 2023-cü ilin iyun ayı ilə müqayisədə 20,6 faiz artım qeydə alınıb.
