Yeddi ay ərzində təxminən 32 min hindistanlı Ermənistana giriş vizası alıb

Bu ilin yeddi ayı ərzində Ermənistana giriş vizası alan Hindistan vətəndaşlarının sayı artıb. Bu barədə Daxili İşlər Nazirliyinin Miqrasiya və Vətəndaşlıq Xidmətinin məlumatlarında deyilir.

2024-cü ilin yanvar-iyul ayları ərzində Hindistanın 31 924 vətəndaşı Ermənistana giriş vizası alıb ki, bu da ötən ilin müvafiq dövrü ilə müqayisədə 2 109 nəfər çoxdur.

2024-cü ilin yeddi ayı ərzində 858 Hindistan vətəndaşı ER-da yaşayış statusu alıb, onlardan 159 nəfəri təhsil, 646 nəfəri isə əmək fəaliyyəti ilə məşğul olub.

Ötən il Hindistan vətəndaşlarının Ermənistana böyük axını qeydə alınıb. 2023-cü ildə Hindistanın 67 609, 2022-ci ildə isə 25 062 vətəndaşı Ermənistana giriş vizası alıb.