Ermənistanın Tarix Muzeyində “Ermənistan qədim xəritələrdə” adlı daimi sərgi açılıb
Ermənistan Tarix Muzeyində “Ermənistan qədim xəritələrdə” adlı daimi sərgi yenidən açılıb.
Ermənistan Tarix Muzeyinin direktoru Davit Poğosyan sərginin yenidən açılışında qeyd edib ki, bu, kartoqrafRuben Qalçyanla əməkdaşlıq nəticəsində reallığa çevrilib.
“Böyük ekranlar quraşdırılıb ki, bu da bizə rəqəmsal versiyalarla daha cəlbedici şəkildə ziyarətçilərimizə daha çox məzmun təqdim etməyə imkan verir”, – Poğosyan vurğulayıb.
O qeyd edib ki, iyirmidən çox xəritələr seriyasını təqdim edən əvvəlkindən fərqli olaraq, yenidən açılan sərgi daha cəlbedici və rəngli həlləri olan rəqəmsal materiallara görə bir qədər daraldı. Muzey direktorunun sözlərinə görə, yeni texnologiyadan istifadə insanların xəritələri daha yaxşı başa düşməsinə və daha dərin biliklərə yiyələnməsinə imkan verəcək.
Sərginin açılışında Ruben Qalçyan “Xəritə və tarix” nitqi ilə Ermənistanın qədim zamanlardan sovet dövrünə qədər çap xəritələrindəki topoqrafiyasını təqdim edib.
“Xəritələr hər zaman deyil ki, düzgün təqdim edilir. Çox vaxt xəritələr saxtalaşdırılır və xəritə yaradanın və ya onun redaktorunun məqsədlərinə xidmət edir. Ona görə də, ilk növbədə, kartoqraf axtarış aparır və tapır ki, başqaları həmin bölgəni necə təsəvvür edib, çəkiblər”, – Qalçyan qeyd edib.
Azərbaycan kartoqrafik saxtakarlığına toxunan alim vurğulayıb ki, 1918-ci ilə qədər indiki Azərbaycan heç bir xəritədə ölkə kimi qeyd olunmayıb. Gülməlidir ki, hazırda Ermənistan Respublikasının ərazisi də Azərbayacnın tarixi ərazisi kimi təqdim edilir.
Müxtəlif adlarla: Atrpatakan, Şirvan və s., Farsların xanlığı kimi təqdim edilmişdir. Daha sonra 1918-ci ildə Azərbaycan Cümhuriyyətinin elan edilməsi ilə eyniadlı Fars vilayətinin adı mənimsənildi. Onun sözlərinə görə, bu da ərazi ambisiyaları üçün edilib.
Ekspert Azərbaycanın öz tarixi əcdadlarını bəyan etməsində də ziddiyyətlərə diqqət çəkib. Xüsusən də Azərbaycan tarixçiləri və kartoqrafları özlərini bir halda oğuz-türk, digər halda ağvan, başqa bir halda türk nəsli hesab etməklə öz ərazi ambisiyalarına və tarixi saxtalaşdırmağa haqq qazandırırlar.
