“Zangezur dəhlizi”nin açılması ilə bağlı qərar Ermənistan və Azərbaycan tərəfindən Rusiya, İran və Türkiyənin də maraqlarına uyğun gələn şərtlər daxilində qəbul edilməlidir”, – Rusiya Xarici İşlər Nazirliyinin nümayəndəsi Mariya Zaxarova bildirib.
Civic.am mövzu ilə bağlı politoloq Robert Qevondyanla danışıb.
“Düşünürəm ki, bu, Lavrovdan eşitdiyimiz bəyanatın davamıdır və onun əsası çox güman ki, Azərbaycanda Putinə təqdim olunan müddəalardır. Azərbaycanın Ermənistanı Rusiyanın maraqlarına uyğun olaraq o dəhliz və ya yolu açmağa məcbur edəcək resursları yoxdur.
Güman edirəm ki, Azərbaycanda Putinə Ermənistana birbaşa təzyiq göstərməyi məsləhət görüblər, çünki Azərbaycan bacarmır, ruslar isə öz imkanları ilə, öz gücləri ilə Ermənistana təzyiq göstərməyə çalışırlar.” – politoloq bildirib.
Mariya Zaxarova həmçinin bəyan edib ki, Ermənistan-Azərbaycan barışığının əsasını Rusiya, Ermənistan və Azərbaycan liderlərinin 2020-2022-ci illərdə əldə etdiyi üçtərəfli razılaşmalar təşkil edir, onları şübhə altına almaq cəhdləri son dərəcə təhlükəlidir.
Bununla bağlı politoloq qeyd edib ki, faktiki, 9 noyabr sənədi Ermənistan və Azərbaycanın hərbi əməliyyatları dayandırmağa razılaşdığı bir sənəddir, o vaxta qədər Zaxarova və Rusiyanın digər rəsmiləri daim üçtərəfli razılaşmalara istinad edəcək, Ermənistanı daim hədələyəcəklər ki, onların pozulması hansısa problemlər gətirəcək.
