Mən “sülh müqaviləsi”nin ümumi müddəaları ilə tanışam və həmin maddələrdən hansının tam razılaşdırıldığını, hansının razılaşdırılmadığını söyləmək çətin olacaq. Bunu jurnalistlərlə söhbətində parlamentin Xarici Əlaqələr Komitəsinin sədri Sargis Xandanyan deyib.
“Bizim prinsipial mövqeyimiz ondan ibarətdir ki, Almatı bəyannaməsi sərhədin demarkasiyası prosesi üçün siyasi əsas olmalıdır və bu, nizamnamədə öz əksini tapıb. Bu həm də beynəlxalq hüququn hüquqi dilidir”, – deyə o bildirib.
Xandanyan əmin edib ki, tərəflər Almatı bəyannaməsini sülh sazişində əks etdirmək barədə razılığa gəliblər.
“Bu, siyasi müstəvidə baş verib və sənəddə də razılaşdırılıb. Bizim prinsipial mövqeyimiz ondan ibarətdir ki, belə də qalmalıdır”.
