ER yüksək texnologiyalar sənayesi naziri Mxitar Hayrapetyan pilotsuz uçuş sistemlərinin inkişafı və istehsalı ilə məşğul olan daha bir hərbi sənaye şirkətində olub.
ER Yüksək Texnologiyalar Sənayesi Nazirliyindən verilən məlumata görə, nazir şirkət rəhbərinin müşayiəti ilə şirkətin məhsul və xidmətləri, perspektiv planları ilə tanış olub.
Təqdim olunan məhsul çeşidinə PUA və komponent hissələrinin hazırlanması, PUA-nın istehsalı və texniki xidməti, PUA-nın daxili nəzarət sistemlərinin inkişafı, proqram təminatı, metal hissələrin, kompozit materialların hazırlanması daxildir.
Şirkət rəhbəri vurğulayıb ki, bəzi texnologiyalar maşın öyrənməsinin tətbiqi ilə işləyir, bazarda unikallığı qoruyub saxlamağa və geniş istifadə imkanları təqdim edir.
Nazir Hayrapetyan hərbi texnikanın öz istehsalının olmasının, onlara ən son texnologiyaların tətbiqinin vacibliyini vurğulayıb. Bu kontekstdə nazir dövlətin sektora xüsusi diqqət yetirdiyini vurğulayaraq, sistemli həll yolları ilə mövcud problemləri aradan qaldırmağa və sektorun inkişafını təmin etməyə hazır olduğunu bildirib.
Görüşün nəticəsi olaraq problemlərin səmərəli şəkildə həlli və əməkdaşlığın yeni səviyyəyə qaldırılması üçün bir sıra razılaşmalar əldə olunub.
