ABŞ-ın ATƏT-dəki keçmiş səfiri Dan Baer ABŞ Konqresinin Helsinki Komissiyasının Ermənistana həsr olunmuş dinləmələrində bildirib ki, hazırda təhlükəsizlik vəziyyəti fərqlidir və perspektivli gələcək qurmaq üçün imkanlar var.
“Gürcüstanın geriləməsi ilə bağlı məyuslara və Azərbaycanın avtoritarizmə doğru getməsinə baxmayaraq, Ermənistanda etibarlı siqnallar var və biz özümüzə sual verməliyik ki, ABŞ və Aİ Ermənistanın demokratiyasını, rifahını və uzunmüddətli təhlükəsizliyini dəstəkləmək üçün nə edə bilər”.
Onun sözlərinə görə, ilk növbədə Ermənistanın sülhünə və qonşuları ilə münasibətlərin normallaşmasına kömək etmək lazımdır.
“Bu, siyasi baxımdan ağrılı olacaq, Moskva təxribat törədə bilər. Yerevanla Ankara arasında münasibətlərin nizamlanması, Ermənistanla Azərbaycan arasında uzunmüddətli sülhün əldə olunması hər üç ölkənin xeyrinə olacaq”.
O qeyd edib ki, Ermənistan təhlükəsizlik üzrə dividendlərdən əlavə, iqtisadi tərəfdaşlarını və Rusiyadan asılılığını şaxələndirəcək.
Dan Baerin sözlərinə görə, ikincisi, investisiya və modernləşdirmənin Rusiyadan idxalı azaltmağa kömək edə biləcəyi kənd təsərrüfatı sektorunda ticarət və yaxşı idarəetmə də daxil olmaqla texniki bacarıqların yaradılmasıdır.
Onun sözlərinə görə, ABŞ Aİ-nin digər tərəfdaşları və Ermənistanla ötən il artıq Ukrayna ilə imzalanmış sazişlər şəklində uzunmüddətli hərtərəfli təhlükəsizlik tərəfdaşlığı inkişaf etdirməlidir.
“Ermənilər soyuq qışlara dözməyə hazır olmalıdırlar, biz dəstəyimizi uzun müddət saxlamağa hazır olmalıyıq”, – Baer bildirib. O vurgulayıb ki, Ukraynada baş verənlər Ermənistan, Gürcüstan, Azərbaycan və Moldova xalqlarının gələcəyinə təsir edəcək.
