Azərbaycanda jurnalistlərə qarşı görünməmiş təqiblər həyata keçirilir։ Jurnalistlərə Ədalət Fondu
2023-cü ildə Azərbaycanda aparılan araşdırmada media işçilərinə, jurnalistlərə, redaksiyalara və fəallara qarşı 147 hücum/təhdid hadisəsi aşkar edilib. Bu barədə Justice for Journalists Foundation bildirdi.
2023-cü ilin son aylarından Azərbaycanda müstəqil və tənqidi mediaya və jurnalistlərə qarşı görünməmiş təqiblər başlayıb. Bunun nəticəsidir ki, hazırda Azərbaycanda 20-dən çox jurnalist və media işçisi həbsdədir, əksər müstəqil onlayn media qurumları bağlanıb, plüralizmin istənilən forması ciddi təhlükə altındadır.
“Hökumət həmçinin xaricdəki tənqidçilərini susdurmağa çalışıb. 2024-cü ilin avqustunda Gürcüstanda yaşayan jurnalist Əfqan Sadıqov həbs edilib və onun Azərbaycana ekstradisiyası tələb olunub. O, təhdid yoluyla tələb etməkdə ittiham olunur. Sadıqov Azərbaycanda ağır repressiyalarla üzləşib və əvvəllər də öz ölkəsində həbsdə olub.
“Sərhədsiz Reportyorlar” təşkilatının 2023-cü il dünya mətbuat azadlığı indeksində Azərbaycan 180 ölkə arasında 151-ci yerdədir. Təşkilata görə, “Prezident İlham Əliyev plüralizmi xatırladan hər şeyi aradan qaldırıb və 2014-cü ildən bəri qalan tənqidçiləri susdurmaq üçün amansız cəhdlər edib”.
Freedom House-un “Dünyada Azadlıq 2023” hesabatında Azərbaycan 100 mümkün baldan cəmi 9 bal toplayıb və “azad olmayanlar” siyahısına düşüb. Təşkilat Azərbaycan parlamentinin media və jurnalistlər üçün əlavə məhdudiyyətlər tətbiq etdiyini vurğulayıb. Freedom House-un “Şəbəkədə azadlıq 2023” hesabatında da Azərbaycan internetin azad olmadığı ölkə kimi göstərilib. Hesabatda Sosial şəbəkə platformalarının və siyasi, sosial və dini məzmunlu vebsaytların bloklanması da daxil olmaqla, əsas məhdudiyyətləri vurğulanıb.
Məhkəmə və/və ya iqtisadi vasitələrdən istifadə edilən hücumlar Azərbaycanda media işçilərinə təzyiqin əsas metodu olmaqda davam edir. 89% hallarda dövlət məmurları media işçilərinə qarşı hücumlara görə məsuliyyət daşıyırlar.
“2023-cü ildə Azərbaycanda KİV işçilərinə qarşı 19 fiziki hücum qeydə alınıb. Bu insidentlərin əksəriyyəti jurnalistlər kütləvi etirazları və mitinqləri işıqlandırarkən baş verib. Qeydə alınan hücumların hamısı hakimiyyət nümayəndələri tərəfindən törədilib”, – hesabatda deyilir.
