Azərbaycan hazırda ciddi problemlərlə üz-üzədir. Bu barədə “Hayakve” təşəbbüsü bəyanat yayıb.
“Təhlükəsizlik baxımından iqtisadi artım çox aşağı səviyyədədir, neft hasilatı azalır və sosial problemlər dərinləşir. Gələn il Azərbaycan müdafiə büdcəsini 7% azaltmağa, Qarabağın işğalına çəkilən xərcləri isə 20% azaltmağa məcbur olacaq.
Son dörd ildə Azərbaycan Qarabağın mənimsənilməsi üçün təxminən 11 milyard dollar xərcləyib, lakin rəsmi məlumatlara görə, cəmi 8,000 nəfəri məskunlaşdıra bilib.
Onların da bir çoxu yalnız sənəddə orada yaşayır, əslində isə ərazini tərk edir. Əgər biz Qarabağa qayıdışla bağlı daha çox danışsaq, onların daha çoxu ərazidən uzaqlaşacaq.
Azərbaycan xalqı Qarabağın işğalı uğrunda təxminən 15,000 şəhid verib, amma əslində heç bir əhəmiyyətli uğur əldə etməyib. Bu səbəbdən orada sosial və siyasi ziddiyyətlər dərinləşir.
Son parlament seçkilərində iştirak səviyyəsi cəmi 14% olub. Seçki nəticələrini saxtalaşdıraraq iştirak faizini 37%-ə çatdırıblar ki, bu da açıq şəkildə məyusluğun göstəricisidir.
Əliyevin yeganə xilası anti-erməni siyasətidir. Əgər biz ən azı bir neçə il ona müqavimət göstərə bilsək, Azərbaycan xalqı onu hakimiyyətdən salacaq və tarixdən siləcək.”
