Ermənistan və Azərbaycan arasında aparılan danışıqlarla bağlı rəsmi Bakının son bəyanatları bir daha sülh prosesi və tərəflər arasında mövcud fikir ayrılıqları ilə bağlı sualları gündəmə gətirib.
Xüsusən də Azərbaycanın xarici işlər naziri Ceyhun Bayramov Ermənistan Konstitusiyasının dəyişdirilməsi tələbini bir daha bəyan edərək, orada Azərbaycana qarşı ərazi iddialarının olduğunu iddia edib. Buna cavab olaraq bu yaxınlarda Ermənistanın xarici işlər naziri Ararat Mirzoyanın Finlandiya mediasına müsahibəsi dərc olunub.
“Mən hesab edirəm ki, biz hələ Bakıda COP29 iqlim sammitindən əvvəl yekunlaşdırıb müqaviləni imzalaya bilərdik. Təəssüf ki, bu baş vermədi, amma indi biz bunu qısa müddətdə etməyə hazırıq. Deyə bilərik ki, bu, bir anlıqdır. Ümid edirəm “deyərdim ki, biz çox yaxınıq.”
Bayramov rəsmi Bakı adından bu gün də Ermənistan Konstitusiyasının dəyişdirilməsi tələbini təkrarlayaraq, bir daha bəyan edib ki, orada Azərbaycana qarşı ərazi iddiaları var.
Bundan əvvəl Azərbaycan xarici işlər nazirinin müavini Elnur Məmmədov da qeyd edib ki, Ermənistan və Azərbaycan arasında davamlı sülhün əldə olunmasına iki əsas maneə var. Ona görə, bunlardan biri Ermənistan Konstitusiyasındadır.
Baş nazir Nikol Paşinyan dəfələrlə vurğulayıb ki, Ermənistan Respublikasının Konstitusiyasında qonşu ölkələrə qarşı ərazi iddiaları yoxdur. Dünən X-də bu barədə bir daha yazıb. Paşinyan Ermənistan Respublikası Konstitusiya Məhkəməsinin 26 sentyabr 2024-cü il tarixli qərarını xatırladıb.
Ermənistanın baş naziri yazıb ki, “ER Konstitusiyasının heç bir müddəasında qonşu ölkələrə qarşı ərazi iddiaları yoxdur”.
Eyni zamanda qeyd edək ki, rəsmi Yerevan dəfələrlə belə bəyanatlara cavab verib.
Bayramov qondarma “Zangezur dəhlizinə” də toxunub. Bu məsələ ilə bağlı bəyanatlar Türkiyə tərəfinfən də olub.
Erməni tərəfi hər zaman vurğulayır ki, danışıqlarda Bakının formalaşdırdığı “Zangezur dəhlizi” məntiqi yoxdur və ola da bilməz. Ermənistan açıq şəkildə vurğulayır ki, istənilən yol bu ölkənin suverenliyi və yurisdiksiyası altında, bərabərlik və qarşılıqlılıq prinsiplərinə əsaslanmalıdır.
Bakı Aİ Ermənistandakı missiyası ilə bağlı da bəyanatlar yayıb. Ermənistan tərəfi dəfələrlə Aİ missiyasının Ermənistan üçün rolunu vurğulayaraq, Aİ missiyasının regionda sabitliyin, o cümlədən sülh prosesinin irəliləməsinə töhfə verən beynəlxalq təminatların təmin edilməsində mühüm rol oynadığını vurğulayıb.
