Ermənistan və Azərbaycan arasında delimitasiya müəyyən bir xəritəyə əsaslanır və bu istiqamətdə işlər aparılır. “Armenpress”in məlumatına görə, bunu Ermənistan Respublikası Silahlı Qüvvələrinin Baş Qərargah rəisi Edvard Asryan jurnalistlərlə keçirdiyi brifinqdə delimitasiya ilə bağlı fikir ayrılıqlarının olub-olmadığı sualına toxunaraq bildirib.
“Delimitasiya işinin əsası var və həmin əsas müvafiq ilin xəritəsidir. Baş Qərargah həmin xəritəyə sahibdir və biz işimizi həmin xəritənin tələblərinə uyğun olaraq həyata keçiririk. Delimitasiya komissiyasında Silahlı Qüvvələrin nümayəndəsi də var, o, hərbi kartoqrafiyanı çox yaxşı bilir və həmin xəritənin bütün tələblərini yaxşı bilir”, – deyə Asryan aydınlıq gətirərək, delimitasiya Ermənistan Respublikasının suveren ərazisinin dövlət sərhədi boyunca aparıldığı üçün öz tərəfindən hər hansı fikir ayrılıqlarını istisna edib.
O, Ermənistan Respublikasının elan edilmiş 29.743 kvadrat kilometr ərazisinin bir qarışının belə təslim edilməyəcəyinə əminlik verib.
Edvard Asryan 2021-2022-ci illər hadisələri zamanı Azərbaycanın işğalı altına düşmüş, hazırda Azərbaycanın nəzarəti altında olan Ermənistan Respublikasının suveren ərazilərinə toxunaraq vurğuladı ki, bu ərazilər delimitasiya nəticəsində geri qaytarılmalıdır.
