Ermənistan Respublikası Silahlı Qüvvələrinin Baş Qərargah rəisi bəzi müxalifət dairələrinin son illərdə Ermənistanın əldə etdiyi silahların Ermənistan ordusunun silahlanması ilə müqayisə edilə bilməyəcəyi iddialarını təkzib edib.
Parlamentdə jurnalistlərlə söhbətində yeni alınan silahların guya Ermənistan Silahlı Qüvvələrinin ümumi silahlanması ilə uyğunluq problemi olduğu iddialarına toxunan Asryan bildirib ki, yeni silah alarkən onun bütün parametrləri və Silahlı Qüvvələrin silahlanması və texnikası ilə uyğunluğu nəzərə alınır.
“Biz silahları elə-belə almırıq. Biz bütün parametrləri, meyarları qiymətləndiririk: bu silahı silahlanmamıza və texnikamıza inteqrasiya edə bilərikmi, onu öyrənə biləcəyikmi, qoşunlarımız ondan istifadə edə biləcəkmi, ümumi avtomatlaşdırılmış sistemdə necə idarə edəcəyik”, – deyə Asryan “Armenpress”ə bildirib.
