Azərbaycan Ermənistan hakimiyyətinə təzyiq edir ki, dövlətlərarası iddialarından əl çəksin. Bu barədə Beynəlxalq və Müqayisəli Hüquq Mərkəzinin sədri Siranuş Sahakyan aprelin 1-də keçirdiyi mətbuat konfransı zamanı qeyd edib.
“Azərbaycanın da bərabərhüquqlu əsaslarla Ermənistana qarşı iddialarından əl çəkəcəyi yanaşması heç də əsaslı arqument deyil, çünki bizdə simmetrik vəziyyət yoxdur.
Əgər qarşılıqlı təcavüz, qarşılıqlı cinayətlər və ya işğallar, qarşılıqlı etnik təmizləmə olsaydı və hər iki tərəf vəziyyətə bərabər yanaşsaydı, bu, hətta məqbul sayıla bilərdi.
Bununla belə, qeyri-bərabər şəraitdə bərabər qərarların verilməsini istəyirik ki, bu da istər-istəməz ədalətsizliyə gətirib çıxaracaq” – deyə Sahakyan bildirib.
Onun sözlərinə görə, məsələn, fiziki şəxslər BMT-nin Beynəlxalq Məhkəməsində tərəf ola bilməz, tərəflər dövlət olmalıdır ki, bu da hüquqi proseslərə ciddi təsir göstərəcək.
“Məsələn, fərdilər və ya qurbanlar irqçi ayrı-seçkiliyin formaları ilə bağlı məsələləri BMT Məhkəməsinə qaldıra bilməzlər. BMT Məhkəməsinin qəbul etdiyi aktlar isə təkcə hüquqi qüvvəyə malik deyil, həm də ciddi siyasi təzyiqə səbəb ola bilər”.
Sahakyan vurğulayıb ki, həm dövlətlərarası, həm də fərdi şikayətlərin mümkün olduğu AİHM-də hüquqi iddialar ola bilər. “Hətta bu şərtlərdə belə, zərərin əhəmiyyətli olacağına inanırıq, odur ki, bu cür hərəkətlərdən çəkinməliyik”.
