Son 2-3 gündə sərhəddə vəziyyət bir qədər aktivləşib və Ermənistanın müxtəlif yaşayış məntəqələri də Azərbaycanın hədəfində olub. Bu barədə Aprelin 8-də Xarici işlər nazirliyinin qarşısında keçirilən etiraz aksiyası zamanı Parlamentin “Pativ unem”(Şərəfim var) fraksiyasının deputatı Tiqran Abrahamyan jurnalistlərlə söhbətində qeyd edib.
Onun sözlərinə görə, müxtəlif beynəlxalq qurumların üzərinə götürdükləri və regionumuzda sabitliyin və sülhün təmin olunması baxımından hər şeyi etdiklərini göstərməyə çalışan vasitəçilik missiyasının bu vəziyyətdə addımları daha səmərəli olmalıdır.
“Biz AB missiyasından təkcə faktların qeydə alınmasını, onların hesabatlarda təsbit edilməsini gözləmirik, həm də onların siyasi təzyiqlərə çevrilməsi çox vacibdir”-deyə o bildirib.
Tiqran Abrahamyan qeyd edib ki, Azərbaycanın son fəaliyyəti Azərbaycan tərəfindən kifayət qədər intensiv hərbi təchizat idxalı ilə müşayiət olunur və bu vəziyyətdə Azərbaycanın bunu niyə etdiyi göz qabağındadır.
“Hadisənin başqa mərhələdə necə inkişaf edəcəyini söyləmək çətindir, lakin aydındır ki, bu proses və Azərbaycanın silahlanması hər kəsin gözü qarşısında baş verir və təbii ki, o silahlar bir gün atəş açacaqlar”-deyə o bildirib.
Müxalifətçi deputat hesab edir ki, hazırda genişmiqyaslı hərbi əməliyyatların keçirilməsi ehtimalı o qədər də böyük deyil və bu, təbii ki, bəzi istiqamətlərdə mümkün əməliyyatları istisna etmir.
Abrahamyan vurğulayıb ki, Cənubi Qafqazda təhlükəsizliyin və sülhün təmin edilməsi üçün müraciət edən qurumlar, strukturlar, dövlətlərin addımları obyektiv olmalıdır. Bu, ABŞ, AB, Rusiya Federasiyasına aiddir.
“Cəmiyyətimiz üçün bu addımlar və təklif olunan alətlər dərk edilən, görünən, konkret olaraq cəbhə xəttində ifadə olunmalıdır” – deyə deputat bildirib.
