Erməni əhalisinin Dağlıq qarabağı tərk etməsindən sonra Rusiya sülhməramlılarının regionda mövcudluğunun səbəbləri azalıb. Bu barədə Dövlət Dumasının MDB məsələləri üzrə komitəsinin birinci sədr müavini, deputat Konstanti Zatulin Газета.Ru-ilə söhbətində bildirib.
Onun sözlərinə görə, Azərbaycan qoşunların çıxarılması məsələsi hələ də qaldırmayıb ki, Rusiya bunu məğlubiyyət və ya güzəşt kimi qəbul etməsin.
“Hazırda Qarabağda sülhməramlıların mövcudluğu Rusiya ilə Azərbaycan arasındakı münasibətlərlə bağlıdır. Əslində, Qarabağda erməni əhalisi olmadığından sual yaranır: bizim sülhməramlılarımızın orada nə işi var? Hesab edirəm ki, Azərbaycan rəhbərliyi hələ də onların geri çəkilməsi ilə bağlı sualları təkcə ona görə qaldırmayıb ki, bu, Rusiyada məğlubiyyət, güzəşt, hərbçilərimizin Rusiya Federasiyasından kənarda olmasının vurduğu ziyan kimi qəbul olunmasın. Amma reallıqda sülhməramlılarımızın Qarabağda mövcudluğunun səbəbləri daha azdır”-deyə o bildirib.
Deputat düşünür ki, Rusiya sülhməramlılarının Qarabağda mövcudluğu erməni əhalisinin evlərinə heç nə olmayacağına zəmanət verə bilər.
“Mən bizim sülhməramllarımızın mövcudluğunun mənası görürəm ki, məsələn, erməni əhalisinin tərk etdiyi evlər, ümumdünya tarixi xarakteri daşıyan tarixi-mədəni abidələri ilə heç nə baş verməsin. Ermənilərin bir hissəsinin Dağlıq Qarabağa qayıdacağı ilə bağlı müəyyən ümidlər var, lakin Azərbaycanın ermənilərin geri qayıtması üçün rəsmən qoyduğu şərtlər çətin ki, onların qayıtmasına töhfə versin. Ona görə də Rusiya sülhməramlılarının burada olması çox çətin vəziyyətdir.
Yerli əhalinin Qarabağdan mühacirət etməsi onların orada yerləşdirmə səbəblərini sarsıtdı” – deyə o, yekunlaşdırıb.
