Ermənistan tezliklə Türkiyəyə Ani körpüsünün yenidən qurulması ilə bağlı yanaşmalarını çatdıracaq. Bu haqda Xarici işlər nazirliyinin mətbuat xidməti jurnalistin yazılı sorğusuna cavab olaraq məlumatlandırıb.
“Türkiyə Ermənistana Ani körpüsünün təmiri ilə bağlı protokolu təhvil verib, o, hazırda təftiş prosesindədir və yaxın vaxtlarda Türkiyə tərəfinə təhvil veriləcək” – deyə Xarici işlər nazirliyinin cavabında qeyd olunur.
Markara-Əlican sərhəd-keçid məntəqəsinə gəlincə, idarə postun təmir-bərpa işlərinin başa çatdığını və istismara hazır olduğunu iddia edir.
