İranın milli futbol yığması bazar günü Belçika ilə heç-heçədən sonra soyunub-geyinmə otağında Dünya Çempionatına ev sahibliyi edən Los-Anceles şəhəri üçün təşəkkür məktubu qoyub və turnirin növbəti mərhələsinə adlamaq ümidini qoruyub. Bu haqda CNN yazır.
Los-Anceles İranın ilk iki oyununa ev sahibliyi edib, komanda növbəti dəfə Sietlda Misirlə qarşılaşacaq. Səyahət məhdudiyyətlərinə görə İran yığması turnir boyu Meksikanın Tixuana şəhərində yerləşib və oyunlar üçün ABŞ-a səfər edib.
“Min illər əvvəlki Qədim Farsdan tutmuş bugünkü sivil İrana qədər – İran ruhu canlı və sarsılmaz olaraq qalır. Biz Los-Ancelesə qürurla gəldik, şərəflə mübarizə apardıq və ləyaqətlə ayrılırıq.
Ev sahibliyinə görə Los-Ancelesə təşəkkür edirik” – deyə İran Futbol Federasiyası tərəfindən dərc edilmiş əlyazma məktubunda qeyd olunur. Məktubda İran həmçinin öz azarkeşlərinə təşəkkür edib və bütün millətləri “sülhə, hörmətə və dostluğa” çağırıb.
