25 iyunda Niderlanda işgüzar səfəri çərçivəsində Ermənistan Respublikası xarici işlər nazirinin müavini Vahan Kostanyan və Ermənistan Respublikası iqtisadiyyat nazirinin müavini Arman Xocoyan Haaqada Ermənistan Respublikasının Niderlanddakı səfirliyi tərəfindən təşkil edilən Ermənistan güllərinin Avropa bazarına ixracı perspektivləri ilə bağlı dəyirmi masa müzakirəsində iştirak ediblər. Müzakirələrdə Niderland Xarici İşlər və Kənd Təsərrüfatı nazirliklərinin nümayəndələri, Ermənistan və Hollandiya gül istehsalçılarının, logistika və broker şirkətlərinin nümayəndələri, eləcə də Hollandiyanın “Royal Flora Holland” gül hərracının nümayəndələri iştirak ediblər. Bu barədə ER Xarici İşlər Nazirliyi məlumat verib.
Müzakirə iştirakçıları uzunmüddətli və qarşılıqlı faydalı əməkdaşlığın qurulmasının, eləcə də ixrac proseslərinə mümkün qədər çox istixana təsərrüfatlarının cəlb edilməsinin vacibliyini vurğulayıblar. Sektorun inkişafına yönəlmiş dövlət dəstək proqramlarına və hökumət tərəfindən verilən yardım imkanlarına istinad edilib.
İyunun 26-da Ermənistan Respublikası xarici işlər nazirinin müavini Vahan Kostanyan və Ermənistan Respublikası iqtisadiyyat nazirinin müavini Arman Xocoyan həmçinin Royal Flora Holland şirkətinin baş ofisini və Hollandiyadakı iki böyük gül istehsalçısı şirkətini ziyarət edərək hərrac prosedurları ilə yerində tanış olublar və Ermənistan şirkətləri ilə əməkdaşlığın genişləndirilməsi imkanlarını müzakirə ediblər.
