İran İslam Respublikasının Prezidenti Məsud Pezeşkian Ermənistan Respublikasının Baş naziri Nikol Paşinyana və onu müşayiət edən yüksək vəzifəli nümayəndə heyətinin üzvlərinə 3 iyulda Tehrana səfər etdikləri və İran İslam Respublikasının mərhum ruhani lideri Əli Xameneinin vida mərasimində iştirak etdiklərinə görə təşəkkür edib.
“Armenpress”in məlumatına görə, İran Prezidentinin təşəkkür məktubu onun X mikrobloqunda yayılıb. “Biz xoşməramlılığın təzahürünü heç vaxt unutmayacağıq. Ümid edirəm ki, iki nəcib İran və Ermənistan xalqı arasında həmişə qarşılıqlı maraqlara, mehriban qonşuluq və qarşılıqlı hörmət prinsiplərinə əsaslanan tarixi və dostluq münasibətləri daha da inkişaf edəcək”, – Pezeşkianın mesajında deyilir.
Onun sözlərinə görə, İranın mərhum ruhani lideri həmişə Ermənistanla münasibətlərin möhkəmləndirilməsinin vacibliyini vurğulayıb və Ermənistanı “dürüst qonşu” adlandırıb.
“Bizim siyasətimiz ikitərəfli münasibətləri hərtərəfli gücləndirmək və inkişaf etdirməkdir”,- İran prezidenti paylaşımını yekunlaşdıraraq bildirib.
Appreciation to the Prime Minister of Armenia, Mr. Nikol Pashinyan, for attending the farewell and State funeral the martyred Supreme leader.@NikolPashinyan pic.twitter.com/V2VrO4Nzg1
— Masoud Pezeshkian (@drpezeshkian) July 8, 2026
