İran regionda sülhün əsas pozucusudur: Rubio

İranın Hörmüz boğazından keçidə nəzarət etmək və bunun üçün ödəniş toplamaq tələbləri qlobal iqtisadiyyatı və naviqasiya azadlığı prinsipini təhdid edir. Bunu ABŞ dövlət katibi Marko Rubio bildirib və onun təhlükələri barədə xəbərdarlıq edib.

“Əgər biz Yaxın Şərqdə bir presedent yaratsaq, bir millət-dövlət beynəlxalq su yoluna nəzarət etməli, keçid üçün ödəniş toplamalı və ödəməsəniz, gəmilərinizi partlatmalı olduğuna qərar verə bilərsə, onda biz dünyanın digər yerlərində, o cümlədən bu bölgədə təkrarlana biləcək çox təhlükəli bir presedent yaradacağıq”, – deyə Rubio Əl-Cəzirə telekanalına bildirib.

Onun sözlərinə görə, ABŞ İranın dəstəklədiyi husilər tərəfindən Qırmızı dənizdə strateji Bab əl-Məndəb boğazında ticarət gəmilərinə hücum təhdidləri ilə əlaqədar Səudiyyə Ərəbistanının nümayəndələri ilə əlaqə saxlayır.

“İran bu problemin mərkəzindədir. Bölgədə sülhün əsas pozucusu İrandır”, – Rubio bildirib.