Qurban bayramda 35 min qurbanlıq heyvanı satılacaq, lakin olnarın bir qismi yarmarkalara sağ çatmayıb

Azərbaycanda Qurban bayramı ilə bağlı heyvan satışı və kəsimi üçün xüsusi yarmarkalar açılıb.  Ümumilikdə 35 minə yaxın qurbanlıq heyvanın satışa çıxarılıb.  Gürcüstan və Rusiya Respublikasından satış məqsədilə 20 min baş heyvan gətirilib. Yarmarkalar iki gün işləyəcək.

Musavat.com-un müxbiri qurbanlıq heyvanların satışı yarmarkasında dəhşətli mənzərənin şahidi olub.

Oxu.Az xəbər verir ki, yarmarkaya satışa gətirilən yük maşını ilə dolu qurbanlıq heyvanlar tələf olub.

Buna səbəb isə heyvanları daşıyan maşında havalandırma yerinin olmaması olub. Nəticədə qapalı yerdə yüz kilometr yol gələn 70 heyvan istidən və havasızlıqdan ölüb.

Heyvan sahibləri bu vəziyyətdən yarmarkada xəbər tutublar. Heyvanlar yarmarkaya Siyəzən rayonundan gətirilib. Heyvanlar yük maşınından endirilərkən ölü vəziyyətdə olublar. 70 heyvandan cəmi dördü sağ qalıb. Satıcılar külli miqdarda ziyana düşməmək üçün məcburən yerdə can verən heyvanları tələsik kəsiblər. Lakin həmin ətrafda olan qəssablar bu heyvanların ətinin insanlara satılmasını doğru hesab etmirlər.