ER Baş naziri Nikol Paşinyan hesab edir ki, Ermənistan hökuməti ölkədə islahatların həyata keçirilməsində mümkün olan ən yüksək sürətlə irəliləyir. Verilən məlumata görə, Ermənistanın Baş naziri Fransanın erməni icmasının nümayəndələri ilə görüşü zamanı belə bir fikir bildirmişdir.“Cəmi bir il ərzində Ermənistanın büdcəsi 20%-lə artmışdır. Ermənistanda hərbi maaş son 1,5 ildə əhəmiyyətli dərəcədə artıb bu il Ermənistanda Kırk Kırkoryanın ayırdığı vəsaitlər hesabına yenidən qurulan və tikiləndən daha çox yol təmir edilmişdir. Ermənistan heç vaxt olmadığı kimi son 1,5 ildə çox silah-sursat əldə edib.Ermənistanda müəllimlərin maaşı artdı, pensiyalar yanvarın 1-dən artırılacaq, yanğınsöndürənlərin və meşəçilərin maaşları artırıldı və Ermənistanda meşələrin məhv olunma problemi demək olar ki, həll edilib”-deyərək Baş nazir təfərrüatla qeyd edib. O deyib ki, Beynəlxalq Valyuta Fondu 2-3 il əvvəl belə bir nəticəyə gəlmişdi ki, Ermənistanda kölgə iqtisadiyyatının həcmi hər il 0.3% azaldılsa, bu, Ermənistan üçün böyük uğur hesab edilə bilər.“Bir illik fəaliyyətimiz nəticəsində kölgə iqtisadiyyatının əhatəsi dörd dəfə çox 1,2% azalıb. Yəni Beynəlxalq Valyuta Fondunun proqnozundan 4 dəfə artıqdır.Son 1,5 il ərzində səhiyyə maliyyələşdirməsinin həcmini 1,5 milyard dram artırdıq. Ermənistanın beynəlxalq ehtiyatları ilin sonuna qədər təxminən 1 milyard dramla artacaq.Ermənistan bütün iqtisadi reytinqlərdə, söz azadlığının, demokratiyanın bütün reytinqlərində irəliləyiş əldə edib “-deyərək Paşinyan qeyd edib.
