İşgüzar səfərlə Qətər Dövlətində olan Ermənistan Respublikasının Prezidenti Armen Sarkisyan Dohada Qətər Biznes assosiasiyasının rəhbərləri və assosiasiyanın üzv iş adamları və şirkətləriylə görüşüb.
ER Prezidentinin administrasiyasından bildirildiyinə əsasən, Prezident Sarkisyan, ölkəmizin rəqabət və investisiya imkanlarını iş adamlarına təqdim edərək, Ermənistanın Avropa Birliyi ilə sıx əməkdaşlıq etdiyini, Avrasiya İqtisadi Birliyinə üzv olduğunu və digər ölkələrin bazarlarına çıxmaq üçün yaxşı tranzit imkanları təklif edə biləcəyini qeyd etdi. Ermənistanın Qətərdəki səfirliyinin açılması, viza rejiminin ləğvi, iki ölkə arasında birbaşa hava əlaqəsinin olması, Prezident təkcə turizm üçün deyil, həm də ikitərəfli işgüzar əlaqələrin inkişafı üçün yaxşı bir fürsət hesab etdi.
İkitərəfli əməkdaşlığın inkişafı baxımından Ermənistan Prezidenti turizm, elm, təhsil və texnologiya, qida istehsalı və təchizatı, zərgərlik və digər sahələri perspektivli sayıb.
Qətər Biznes assosiasiyasının üzvləri Ermənistanla əməkdaşlıq etməyə hazır olduqlarını bildirdilər.
Görüşdə yaxın vaxtlarda qətərli iş adamlarının Ermənistana səfərinin təşkili və yerlərdə əməkdaşlıq imkanları ilə tanış olması və əməkdaşlıq istiqamətlərinin müzakirə edilməsi barədə razılıq əldə olundu.
