Çavuşoğlu: İstanbulda təyyarə qəzasında Azərbaycan vətəndaşı da olub
Fevralın 6-da Bakıda Türkdilli Dövlətlərin Əməkdaşlıq Şurasının Xarici İşlər nazirləri Şurasının növbədənkənar iclasından sonra jurnalistlərə açıqlamasında Türkiyə Xarici İşlər naziri Mövlud Çavuşoğlu deyib ki, İstanbulda təyyarə qəzasında Azərbaycan vətəndaşı da olub. Bu barədə minval.az saytı məlumat yayıb.
“Biz bir millət, iki dövlətik. O insanımıza da lazımi diqqət göstəriləcək”.- deyə Çavuşoğlu bəyan edib.
Xatırladaq ki, fevralın 5-də İstanbulun Sabiha Gökçen hava limanına enərkən zolaqdan çıxıb. İzmir-İstanbul aviareysini həyata keçirən təyyarə sərt eniş edib, daha sonra sürüşərək yoldan çıxıb və 3 hissəyə parçalanıb. Sonra isə yanğın başlayıb. Təyyarədə 171 sərnişin və 6 heytə üzvü olduğu bildirilib. Nəticədə 3 nəfər ölüb, 157 nəfər xəsarət alıb. Ölənlər Türkiyə vətəndaşlarıdır.
