KTMT baş katib Stanislav Zas jurnalistlərə açıqlamasında qeyd edib ki, KTMT sülhməramlılığa dair əsas sənədlərə “əlaqələndirici dövlət” anlayışını daxil etməyi planlaşdırır və bunu BMT-ə təqdim edəcək. Onun sözlərinə görə, hazırda KTMT-nin sülhməramlı potensialının BMT əməliyyatlarına daxil edilməsi gündəmdədir. Bununla yanaşı, BMT digər təşkilatlarla deyil, yalnız ayrı-ayrı ölkələrlə sülhməramlı fəaliyyət göstərir. “Buna görə, KTMT-nin maraqlarını təmsil etmək üçün “əlaqələndirici dövlət” anlayışını əsas razılaşmalara daxil olmağı təklif edirik”- deyə o, vurğuladı.
BMT-də KTMT-nı hansı ölkə təmsil edəcək? Rusiya BMT Təhlükəsizlik Şurasının daimi üzvüdür və onun “əlaqələndirici dövlət” olacağı istisna olunmur. Bu vəziyyətdə sual yaranır – Rusiya BMT-nin vasitəsi ilə Artsaxda hərbi iştirakını təmin etmək istəmirmi?
Artsax münaqişəsi, bəlkə də postsovet məkanında Rusiya qoşunlarının iştirak etmədiyi yeganə məsələdir. Ekspert səviyyəsində, Rusiyanın Artsaxda öz “sülhməramlılarını” irəli sürmək istəyini dəfələrlə göstərdi, lakin bütün tərəflərin, istər Ermənistan, istər Azərbaycan, istərsə də İranın səmimi razılığı ilə Artsax münaqişə zonası Rusiyanın iştirakı olmadan qalır. KTMT rəhbərləri dəfələrlə əsəbiləşərək qeyd etdilər ki, Ermənistan yardım üçün quruma müraciət etmir və “bunu öz-özünə edir”.
Güman ki, Ermənistan kömək istəsəydi, KTMT dərhal Artsaxın İranla sərhəddində yerləşərək strateji cəhətdən çox cavib bölgəyə gələcəkdi. ER sabiq prezidenti Serj Sarkisyan da söyləyib ki, Aprel müharibəsindən sonra Rusiya belə bir nəticəni gözləyir.
KTMT artıq uzun illərdir BMT-də sülhməramlı mandat əldə etmək istəyir. “Ümid edirəm ki, bu, KTMT bölmələrinin BMT-nin sülhməramlı əməliyyatlarında iştirak etməsinə imkan verəcək”- deyə Sergey Lavrov qeyd edib. Onun sözlərinə görə, KTMT yalnız məsuliyyət bölgəsində deyil, bütün Avrasiya məkanında təhlükəsizliyin təmin olunmasında əsas rol oynayır.
Nazirlər videokonfransında, KTMT-nin MDB və ŞƏT ilə qarşılıqlı əlaqəsi haqqında söhbət oldu, onlar da Rusiya Xarici İşlər Naziri Sergey Lavrovun dediyi kimi KTMT tərəfdaşları statusunu ala biləcəklər.
KTMT-nin tərəfdaş və müşahidəçi statusunun yaradılması qərarı iki il əvvəl qəbul edilmişdi, lakin Tacikistan tərəfindən təsdiqlənmədiyi üçün hələ qüvvəyə minməmişdir. O zaman Ermənistan qarşı çıxdı və açıq şəkildə Azərbaycanın KTMT-yə üzv olmasına imkan verməyəcəyini açıqladı. Lakin Azərbaycan MDB-nin üzvüdür.
Mətn Lragir.am saytına məxsusdur.
