Bu gün RF Fövqəladə Hallar Nazirliyi, Dağlıq Qarabağ əhalisinə yardım göstərmək üçün əlavə qrup göndərib. Məlumatı idarənin mətbuat xidməti bildirir.
“Rusiya FHN xilasedicilərini daşıyan daha bir İl-76 Dağlıq Qarabağa yola düşüb. Qrup Noginsk və Tula Xilasetmə Mərkəzlərinin, “Lider” Mərkəzinin işçiləri, mərkəzi aparatın, eləcə də Energetika Nazirliyi mütəxəssisləri tərəfindən yaradılıb”- deyə nazirlikdən bildirilib.
Təyyarədə lazımi texnika və avadanlıq, eləcə də mütəxəssislər üçün yaşayış vasitələri də var. Hamısı koronavirus və stres ilə bağlı test verib.
Mütəxəssislər özləri ilə çadırlar, işıq qüllələri, benzin generatorları gətirirlər.
Yaxın günlərdə Dağlıq Qarabağa cəlb olunan kadr sayının artırılması planlaşdırılır.
