Dağlıq Qarabağda vəziyyət sabitləşməyə davam edir. Bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.
“Atəşkəsin pozulması və Rusiya sülhməramlı kontingentinə qarşı təxribat qeydə alınmayıb. Üçtərəfli Bəyanatın əsas müddəalarının icrasını heç bir ciddi insident olmadan təmin etmək mümkün olur”- deyə Zaxarova qeyd edib əlavə edərək ki, tərəflər üçtərəfli bəyanatın müddəalarını praktikada tam şəkildə həyata keçirirlər.
Onun sözlərincə, qeyd olunan müsbət tendensiyalar Azərbaycan, Ermənistan və Rusiya liderləri tərəfindən təsdiqlənən xəttin düzgünlüyünün sübutudur.
Maria Zaxarova vurğulayıb ki, rus sülhməramlıları qaçqınların geri dönməsi üçün əlverişli şərait yaratmağa, minalardan təmizləməyə və itkin düşənlərin axtarışına davam edir.
Humanitar Reaksiya Mərkəzi də işləyir. Onun işində onlarla federal nazirlik, agentlik və qurum, habelə Ermənistan və Azərbaycanın profil nazirlikləri iştirak edəcəkdir.
“Ümid edirik ki, Rusiya tərəfindən həm Ermənistan, həm Azərbaycanla, həm də xarici xarici tərəfdaşlar və qurumlarla həyata keçirilən hərtərəfli tədbirlər Cənubi Qafqazda sülhə və təhlükəsizliyə töhfə verəcək”- deyə o qeyd edib.
