Rusiya Qarabağ müharibəsinin hərbi əsirlərinin geri qaytarılması məsələsini tam olaraq həll etmək üçün səy göstərir. Bunu Rusiya Xİ naziri Sergey Lavrov bu gün keçirdiyi mətbuat konfransı zamanı bildirdi.
Lavrov xatırlatdı ki, əsirlərlə bağlı məsələ noyabrın 9-da imzalanan bəyanatın məqamlarından biridir. Bu məsələ Rusiya prezidenti, Ermənistanın Baş naziri, Azərbaycan prezidenti arasında telefon danışıqları zamanı, habelə Lavrovla Ermənistan və Azərbaycan Xİ nazirləri danışıqlar zamanı dəfələrlə müzakirə edilmişdir.
“Hərbi əsirlərin dəyişdirilməsi olduqca uzun davam edən 11 yanvar Moskva görüşündə də müzakirə olunub”- deyə o qeyd edib.
Onun sözlərincə, Ermənistan tərəfində daha çox problemlər olub. Gərək hər iki tərəf əsirlərin siyahısını verərdi. Azərbaycan tərəfi həmin siyahını verib. Bu siyahı böyük deyildi. Həmin əsirlər dəyişdirildi. Əsir, itkin düşmüşlərlə bağlı daha Azərbaycan tərəfindən məsələ qaldırılmadı.
“Ermənistan tərəfindən isə bu siyahı dərhal və tam təqdim olunmadı. 9 noyabra kimi əsir düşənlərin mübadiləsi oldu. İndi isə söhbət dekabrın əvvəlində yaranan məsələdən gedir. Ancaq indi əsas problem dekabr ayında Hadrut bölgəsindən götürülmüş əsirlərdir. Azərbaycan tərəfi bu insanların atəşkəsdən sonra Hadrutda olduqları üçün ayrı-ayrılıqda nəzərdən keçirilməli olduqlarını bildirdi. Biz, xüsusən də prezident Putin, buna baxmayaraq əsirlərin “hamının hamıya” prinsipi əsasında dəyişdirilməsinin tərəfdarıdır”- deyə o qeyd edib.
RF Xİ naziri vurğulayıb ki, son siyahıları dəqiqləşdirmək üçün erməni həmkarı ilə danışıb. Ancaq əvvəllər də deyildiyi kimi məlum olub ki, 62-dən çox əsir var. İndi siyahılar həmin insanların harada olacağını anlamaq üçün yoxlanılır.
Eyni zamanda, Lavrov qeyd edib ki, Rusiya qoşunlarının komandanı Rüstəm Muradov əsirlər məsələsini həll etmək üçün erməni və azərbaycanlı həmkarları ilə əlaqə saxlamağa davam edir.
Qeyd edək ki, əsirlərin sayı barədə rəsmi məlumat yoxdur, lakin bəzi məlumatlara görə, hazırda Azərbaycan tərəfində 120 erməni əsir var.
