Azərbaycan KIV-ləri Almaniyanın Xİ naziri, Avropa Şurası Nazirlər Komitəsinin sədri Hayko Maasın Qarabağ münaqişəsi zonasında Suriyadan olan muzdluların olması barədə sözlərini təhrif edib. Daha öncə bəzi saytlar qeyd etmişdi ki, Maas AŞPA sessiyasında muzdluların Qarabağa köçürülməsinə dair heç bir dəlil olmadığını bildirib.
Lakin, Ermənistan nümayəndə heyətinin rəhbəri Ruben Rubinyan “Sputnik Armenia”ya əslində nə baş verdiyini izah edib.
Alman diplomatiyasının rəhbəri bəyan edib ki, Ermənistanla Azərbaycan arasında gedən döyüş əməliyyatları zamanı suriyalı silahlılardan istifadəyə dair xəbərlərdən xəbərdardır.
Bundan əlavə, onun sözlərinə görə, bu, suriyalı yaraqlıların hazırda rol oynadığı yeganə münaqişə deyil. Liviya vətəndaş müharibəsində onların iştirakı hamıya məlumdur.
“Dağlıq Qarabağa gəlincə, hazırkı kəşfiyyat məlumatlarına əsaslanaraq, suriyalı silahlıların müəyyən bir hissəsinin həqiqətən hələ də münaqişə bölgəsində olduğunu düşünə bilərik. Orada necə istifadə edildiklərini, neçə nəfərin olduğunu və bunun üçün kimin məsuliyyət daşıdığını aydınlaşdırmaq üçün beynəlxalq səviyyədə çoxsaylı cəhdlər göstərilir. Ancaq bu günə qədər dəqiqləşdirilməyib”- deyə Maas vurğulayıb.
Diqqətəlayiqdir ki, Qarabağdakı döyüş əməliyyatları zamanı muzdluların köçürülməsini Rusiya rəhbərliyi, XİN elan edib, hətta Rusiya Xarici Kəşfiyyat Xidmətinin direktoru Sergey Narışkin bu barədə danışıb.
