“Hayastani Hanrapetutyun” gündəliyi yazır: “ATƏT-in Minsk Qrupunun son bəyanatından və Aİ-nin xüsusi nümayəndəsi Toyvo Klaarın bölgəyə səfərindən sonra Azərbaycanın konstruktiv danışıqlar sahəsinə girəcəyi gözlənilirdi, lakin səsləndirilən bəyanatlar tamamilə əksini göstərir. Azərbaycan Milli Məclisi sədrinin birinci müavini Əli Hüseynli ötən həftə sonu bəyan edib ki, ATƏT-in Minsk Qrupunun Dağlıq Qarabağ münaqişəsinin həlli üzrə missiyası hələ başlamadan sona çatıb. AB nümayəndəsi 11-12 mart tarixlərində Bakıda da olmuşdu.
Onunla görüşdə Əliyev Aİ strukturlarının rolunu yalnız Azərbaycanın Ermənistanla münasibətlərini yaxşılaşdırmaq üçün addımların dəstəklənməsində görüb. Əgər Azərbaycan və Türkiyə həqiqətən bölgədə davamlı sülh və əməkdaşlıq istəsələr, nəinki Artsaxın statusu ilə bağlı substantiv danışıqlara başlamalı, həm də Artsax Respublikasındakı işğal olunmuş Hadrut, Martuni, Şuşi və Martakert ərazilərini azad etməlidir. Əks təqdirdə, Artsaxın və ətrafındakı vəziyyətin dəyişə biləcəyinə dair gözləntilər özünü aldatmaq deməkdir”.
