Ağ Ev Demokratlarının qayıtmasından sonra güclü dəstək qazanan Avropa İttifaqı, xüsusən son zamanlarda Cənubi Qafqazı “geri qaytarmaq” üçün səylərini əhəmiyyətli dərəcədə gücləndirdi. Bunu “Azad Vətəndaş” qeyri-hökumət təşkilatının rəhbəri Hovsep Xurşudyan ArmInfo-ya deyib.
“Bunu, Ermənistana vəd edilmiş misilsiz maliyyə dəstəyi və Avropa diplomatlarının Ermənistana səfərlərinin sayı sübut edir. Əlbətdə Fransa Prezidenti Macronun qarşıdakı səfəri də. Aİ-nin regional kommunikasiyalara, ümumilikdə, Şimal-Cənub magistral yolunun inşası layihəsinə olan marağından bəhs etməyi vacib hesab edirəm. Aİ-nin artıq bu layihəyə 600 milyon avro investisiya qoymağa hazır olduğunu bildirdiyini bilirik”,-deyə o qeyd etdi.
Ekspertin fikrincə, bunun fonunda Minsk Qrupu Rusiyaya keçən il 9 noyabr və cari ilin 11 yanvar tarixli üçtərəfli bəyanatlar çərçivəsində qəbul edilmiş öhdəliklərin yerinə yetirilmə şərtləri barədə sual verəcəkdir.
“Putin müharibəni dayandırdı, bu bir həqiqətdir. Qoşunlarını Artsaxa göndərdi, bu da bir həqiqətdir. Ancaq yolların blokadadan çıxarılması, əsirlərin və qaçqınların geri qaytarılması ilə bağlı digər öhdəliklərini yerinə yetirməyib”,-deyə ekspert vurğuladı.
Mütəxəssisin sözlərinə görə, bu gün Əliyev Putindən Azərbaycana Syunik bölgəsi ərazisindən Naxicevana dəhliz verilməsi vədini yerinə yetirməsini tələb edir. Amma buna da Paşinyan razı deyil. Nəticədə, vəd olunanları ala bilməyən Əliyev, Xurşudyana görə, indi vəziyyəti Yerasx istiqamətində gərginləşdirir.
Ancaq, geosiyasi ambisyaların nəticəsi olaraq Əliyev tam əks nəticəni ala bilər. Məsələn, sərhəddə beynəlxalq müşahidəçilər yerləşdirilə bilər və Ermənistan-Azərbaycan sərhədinin müəyyənləşdirilməsi, demarkasiya prosesində iştirak edə biləcəklər. Şübhəsiz ki, bu bizim maraqlarımıza uyğundur, bunu Yerevanda Avropa Şurasının prezidenti Şarl Mişel də səsləndirdi.
