Avrasiya İnkişaf Bankı Ermənistanın investisiya portfelindəki payını 15%-ə çatdırmaq istəyir. Bu barədə bankın 2022-2026 inkişaf strategiyasında qeyd olunur.
Ümumilikdə, bank üzv ölkələrdəki layihələrin həcmini 5 il ərzində 2,7 dəfə artıraraq 10,9 milyard dollara çatdırmaq niyyətindədir. Kiçik ölkələrə də diqqət yetiriləcək. Ermənistan, Qırğızıstan və Tacikistana qoyulan ümumi sərmayə məbləği 500 milyon dollara çatacaq və ya 2020-ci ilə nisbətən 4 dəfə çoxdur.
Bu ölkələrdə maliyyələşdirmə əsasən avro və dollarla planlaşdırılır, lakin bank həmin ölkələrin milli valyutası ilə də kredit verməyə hazırdır.
Bank üzv ölkələrin maliyyə bazarlarından (məsələn, dövlət istiqrazlarının alınması yolu ilə), həmçinin valyuta svopları vasitəsilə milli valyutada vəsait cəlb etmək niyyətindədir.
Bundan əlavə, bank ən böyük üç investisiya layihəsinin maliyyələşdirilməsində əsas iştirakçı olmaq niyyətindədir. Bunun üçün təxminən 1,2 milyard dollar ayrılacaq.
Bu layihələrdən biri “Avropa-Qərbi Çin” avtomobil və dəmir yolu dəhlizinin genişləndirilməsi ilə bağlıdır (bu da Ermənistan üçün yük daşımalarının vaxtını azaldacaq). Digər layihə Avrasiya Bankı ölkələrinə malların daşınması üçün vahid infrastruktur, üçüncüsü isə hidroelektrik güclərinin artırılmasıdır.
