İki ölkə arasında dəmir yolu əlaqəsinin bərpası Yerevanda keçirilən Ermənistan-Rusiya regionlararası forumunun gündəliyində duran məsələlərdən biri olub. Bunu Sputnik Armenia ilə söhbətdə Rusiya Sənaye Nazirliyinin Xarici Ticarət sahəsində Beynəlxalq Əməkdaşlıq və Lisenziyalaşdırma İdarəsinin sədri Roman Çekuşov deyib.
O qeyd edib ki, feribotların alınması məsələsi təxminən iki ildir müzakirə olunur, əgər feribotlar əlaqəsi bərpa olunarsa, Ermənistandan olan yüklər yüklənə, sonra boşaldıla və Rusiya ərazisindən keçməyə davam edə bilər.
Çekuşovun sözlərinə görə, kənd təsərrüfatı sahəsində Rusiya şirkətləri həm kənd təsərrüfatı texnikası, həm gübrə, həm də kompozit dolu əleyhinə torlar təklif etməyə hazırdır. Logistika Ermənistanla Rusiya arasında ticarətdə mövcud məsələlərdən biridir. Yalnız bir quru yolu var, Yuxarı Lars dağ keçidi. Qara dənizində Poti limanı var, lakin Çekuşov xatırladıb ki, son bir neçə il ərzində bu marşrutda işləyən feribotlar yoxdur.
O bildirib ki, “Rosatom” Dövlət Korporasiyası erməni tərəfdaşları ilə Metsamor AES-in yenidən qurulması və yeni atom elektrik stansiyasının tikintisi üzrə işi davam etdirəcək.
Xatırladaq ki, Ermənistan-Rusiya regionlararası forumu Ermənistan və Rusiya Hökumətlərinin, Enterprise Armenia Fondunun, Rusiyanın Ermənistandakı Ticarət Nümayəndəliyinin, habelə Rusiya İxrac Mərkəzinin dəstəyi ilə keçirilib.
