Bakı Ağır Cinayətlər Məhkəməsində AXCP fəalı Aqil Hümbətovun cinayət işi üzrə məhkəmə prosesi başa çatıb. haqqin.az-ın məlumatına görə, hökm elan edilib, ona əsasən, A.Hümbətov 10 il müddətinə azadlıqdan məhrum edilib.
Məhkum isə ona qarşı təxribat təşkil edildiyini və heç kimə hücum etmədiyini qeyd edərək, ittihamı rədd edib. Müxalifət cinayət işini Azərbaycan rəhbərliyini tənqid etdiyinə görə qisas adlandırıb.
Hümbətov bu il avqustun 11-də həbs edilib və ona qarşı Cinayət Məcəlləsinin 126.2.4-cü (xuliqanlıqla sağlamlığa ağır zərər vurma) maddəsi ilə ittiham irəli sürülüb, 6 ildən 11 ilədək azadlıqdan məhrumetmə cəzası nəzərdə tutulub.
