Bir il ərzində rus sülhməramlılarının müşayiəti ilə 4000-dən çox zəvvar Amaras və Dadivankda olub. Bu barədə Rusiya Müdafiə Nazirliyinin mətbuat xidməti məlumat yayıb.
Sülhməramlılar zəvvarların təhlükəsiz hərəkətini təmin ediblər. “Rusiya sülhməramlı kontingentinin hərbçiləri Dağlıq Qarabağda əməliyyat keçirdikləri bir il ərzində 4000-dən çox zəvvarın sərhəd xəttinə yaxın olan Amaras və Dadivank monastırlarını təhlükəsiz ziyarətini təmin ediblər”, – deyə sülhməramlı kontingentinin nümayəndəsi Aleksandr Postnikov bildirib.
İki ziyarətgah tərəflərin sərhəd xəttinin yaxınlığında yerləşir, bu səbəbdən zəvvarların təhlükəsizliyini təmin etmək üçün sülhməramlıların olması zəruridir.
