Amerika Erməni Assambleyası Azərbaycanın Ermənistanın cənub bölgələrinə son irimiqyaslı hücumundan sonra konqres liderləri və Bayden administrasiyasının rəsmiləri ilə əlaqə saxlayır.
Amerika Erməni Assambleyasının yaydığı bəyanatda deyilir ki, NATO üzvü olan Türkiyənin Ermənistana qarşı hərbi əməliyyatlardakı rolu alyansın əsasında duran prinsiplərə xəyanətdir.
Qeyd olunur ki, Rusiyanın elan etdiyi atəşkəsin Əliyevin soyqırım siyasəti modelinə qarşı keçmiş atəşkəslər kimi təsirsiz olacağı gözlənilir ki, bunu Rusiya sülhməramlılarının nisbətən az olması da sübut edir.
“Azərbaycan silahlı qüvvələri Ermənistanın suveren ərazisinin 41 kvadrat kilometrə yaxın ərazisini işğal edib, hücumlarını davam etdirir, Ermənistanın cənubundan keçməklə Azərbaycanın Naxçıvan anklavına “dəhliz” çıxarmağa çalışırlar. Noyabrın 16-da baş verən hücumlar Ermənistanın ən dar bölgəsində baş verib, onlar açıq şəkildə ölkəni iki hissəyə bölmək istəyirlər. Son hücumlar nəticəsində bir neçə erməni hərbçi həlak olub, 12 erməni əsir götürülüb”.
Konqresmen Frenk Pallon bildirib ki, Azərbaycanın Ermənistan ərazisinə zorakılığı qəbuledilməzdir.
