Noyabrın 17-də Təhlükəsizlik Şurasının katibi Armen Qriqoryan Moskvada MDB-yə üzv dövlətlərin Təhlükəsizlik Şuraları katiblərinin 9-cu iclasında iştirak edib.
Bu barədə Təhlükəsizlik Şurasının idarəsindən məlumatlandırılıb.
Görüş zamanı Əfqanıstan ərazisindən yaranan təhlükələr, MDB-yə üzv dövlətlərin miqrasiya və humanitar sahədə əməkdaşlığı, o cümlədən biotexnologiyanın inkişafı nəticəsində yaranan təhlükəsizlik məsələləri müzakirə edilib.
MDB üzvü olan dövlətlər əməkdaşlığın miqyasını daha da genişləndirməyə hazır olduqlarını bildiriblər.
Təhlükəsizlik Şurasının katibi Armen Qriqoryan çıxış edərək, yuxarıda qeyd olunan məsələlərlə yanaşı, Azərbaycan qoşunlarının Ermənistan Respublikası ərazisinə soxulmasını və Ermənistan-Azərbaycan sərhədindəki vəziyyəti xatırladıb.
A.Qriqoryan xüsusilə qeyd edib ki, Azərbaycan nəinki atəşkəs rejiminə əməl etmir, hətta yuxarıda qeyd olunan razılaşmalar nəticəsində əldə edilmiş şərtləşmələri belə yerinə yetirmir.
Ermənistan isə Azərbaycanın həyata keçirdiyi hərbi əməliyyatları Ermənistanın ərazi bütövlüyünə yönəlmiş addım kimi qiymətləndirir.
Təhlükəsizlik Şurasının katibi Ermənistanın sülh prosesinə sadiq qaldığını, demarkasiya və delimitasiya prosesinə başlamağa hazır olduğunu, eyni zamanda, öz sərhədlərindən istənilən hərbi təcavüzü qətiyyətlə dəf edəcəyini vurğulayıb.
Kommunikasiya kanallarının bloklanması ilə bağlı A.Qriqoryan qeyd edib ki, Ermənistan Baş nazirin müavinləri səviyyəsində formalaşmış miqyasa böyük əhəmiyyət verir və noyabrın 9-da və yanvarın 11-də əldə edilmiş razılaşmaların həyata keçirilməsi üçün bütün səyləri göstərməyə hazırdır.
