Rusiya Birləşmiş Millətlər Təşkilatının Qaçqınlar üzrə Ali Komissarlığının (UNHCR) idarəsini Dağlıq Qarabağda məcburi köçkün və qaçqınların qayıdış işini aktivləşdirməyə çağırır. Bunu çərşənbə axşamı Rusiyanın BMT-dəki daimi nümayəndəsinin müavini Gennadi Kuzmin Təhlükəsizlik Şurasının iclasında deyib.
“Biz Rusiya, Azərbaycan və Ermənistan liderlərinin bütün hərbi əməliyyatların dayandırılması haqqında 9 noyabr 2020-ci il tarixli bəyanatında nəzərdə tutulduğu kimi, məcburi köçkünlərin və qaçqınların Dağlıq Qarabağa və ətraf rayonlara qaytarılması ilə bağlı BMT QAK-nın işini aktivləşdirməkdə maraqlıyıq”,-o qeyd etdi.
“Biz BMT QAK-ı regiona humanitar missiyalar üçün Yerevan və Bakı ilə dialoqu davam etdirməyə çağırırıq”.
