Ermənistan hökuməti dəmir yolunun Yerasx-Culfa-Ordubad-Meğri-Horadiz hissəsinin 45 km-lik hissəsinin bərpasını planlaşdırır və bunun üçün təxminən 200 milyon dollar xərcləyəcək. Bu barədə ER baş nazirinin müavini Mher Grigoryan TASS-a bildirib.
“Mütəxəssislərin ilkin hesablamalarına görə, dəmir yolu xətlərinin Ermənistan ərazisindən keçən dəmir yolları hissələrinin bərpasının indikativ dəyəri təxminən 200 milyon dollar təşkil edəcək. Hissənin uzunluğu təxminən 45 km, marşrutun ümumi uzunluğu isə 340 km-dir”, – deyə o qeyd edib.
Ermənistan baş nazirinin müavininin sözlərinə görə, Ermənistan və Azərbaycanı birləşdirən dəmir yolu “dəmir yolu daşımalarının beynəlxalq səviyyədə qəbul edilmiş qaydalarına uyğun olaraq, qarşılıqlılıq prinsipləri əsasında, ölkələrin suverenliyi və səlahiyyətləri çərçivəsində” fəaliyyət göstərəcək.
