Kollektiv Təhlükəsizlik Müqaviləsi Təşkilatı (KTMT) Ermənistan və Azərbaycanın sərhədlərin demarkasiyasına başlamaq qərarını qarşıdurmaların təkrarlanmaması üçün mühüm addım hesab edir. Bunu “Armenpress”-ə müsahibəsində KTMT-nin baş katibi Stanislav Zas bildirdi. O qeyd etdi ki, KTMT Ermənistanın vəziyyətin siyasi yolla həlli istiqamətində atdığı addımları dəstəkləyir.
Stanislav Zas qeyd etdi ki, KTMT kollektiv əsasda üzv dövlətlərin müdafiəsini təmin edən çoxfunksiyalı strukturdur.
“Biz Ermənistan-Azərbaycan sərhədində vaxtaşırı toqquşmaların baş verdiyi, nəticədə təəssüf ki, insanların həlak olduğu gərgin vəziyyətin davam etməsindən çox narahatıq. Birgə tədbirlər, ilk növbədə, KTMT-nin Kollektiv Qüvvələrinin təlimləri zamanı biz məsuliyyət daşıdığımız ərazilərdə təhlükəsizliyin təmin edilməsi üçün praktiki tədbirlər hazırlayırıq”,- deyə o vurğuladı.
KTMT-nin baş katibi qeyd etdi ki, sərhəddə baş verənlər sadəcə siyasi və diplomatik yollarla həll olunmalıdır. Bu il noyabrın 26-da Üçtərəfli Bəyanatda əksini tapmışları dəstəkləyirik. Ermənistan-Azərbaycan sərhədində sabitliyin və təhlükəsizliyin səviyyəsinin yüksəldilməsi üçün addımların atılması və Rusiya Federasiyasının köməyi ilə Ermənistanla Azərbaycan arasında dövlət sərhədinin delimitasiyası və sonradan demarkasiyası üzrə Komissiyanın yaradılması istiqamətində işlərin görülməsi haqqında sazişlər imzalanıb.
Aydındır ki, vəziyyətin gərginliyini azaltmaq üçün tədbirlərə həmişəkindən daha çox ehtiyac var. Bundan əlavə, görünür ki, ATƏT-in Minsk qrupunun həmsədrliyinin imkanlarından daha fəal istifadə etməyə dəyər. Belə bir yanaşma bu problemin həlli üçün zəruri ilkin şərtləri təmin edəcək”,- Zas deyib.
Zasın fikrincə nəqliyyat və iqtisadi əlaqələrin qarşısının alınması üzrə Üçtərəfli İşçi Qrupu çərçivəsində razılaşmaları praktiki müstəviyə çevirmək lazımdır. Bu regionda sabitliyin səviyyəsinin yüksəlməsinə nəzərəçarpacaq dərəcədə töhfə verəcək.
