ER Prezidenti Armen Sargsyan Dağlıq Qarabağdakı müharibə və ya münaqişənin dini elementlərə malik olması ilə bağlı fikirlərlə razılaşmır. Prezidentin rəsmi saytı xəbər verir ki, Sargsyan bunu “Asia Times”a müsahibəsində bildirib.
Xüsusilə Sargsyandan Ermənistanla Azərbaycan arasında davam edən münaqişənin dini elementə malik olması ilə bağlı fikirlərlə razılaşıb-razılaşmadığı soruşulub. Çünki Ermənistanın Artsax Respublikasındakı kilsələrin Azərbaycan tərəfindən təhqir olunmasında günahlandığı kimi, Azərbaycan prezidenti də Ermənistanın mübahisəli ərazilərdə ən azı “70 məscidi” dağıdmasından şikayətlənib.
“Bu, dini müharibə deyil. 70 məscid dağıdılıb? Bilmirəm, bunu Sizdən eşidirəm. Çox konkret olmalısınız. Erməni kilsələrində hər şey çox konkretdir. O kilsələr yüz minlərlə ildir olduqları yerdədir. Və biz hansının məhv edildiyini dəqiq bilirik”,- deyə ER Prezidenti qeyd edib.
ER prezidenti qeyd edib ki, azərbaycanlılar heç olmasa bir kilsəni bərpa etsələrsə, sualı verən jurnalist ona onun fotosunu göndərməlidir.
Sargsyan qeyd edib ki, Şuşidəki məscidin tam təmirini şəxsən alqışlayır.
Xüsusilə, o vurğulayıb ki, münasibəti müqayisə etmək istəsələr, İranda erməni kilsələrinin dağıdılmasından şikayətlənən ermənilərə rast gəlib-gəlmədiklərini soruşa bilərlər. “Belə bir şey eşitmisiniz? Yox, mən də belə bir şey eşitməmişəm. Və bu bir faktdır ki, tarix boyu İranda rejimlər və hökumətlər dəyişib, lakin İranda erməni icmaları çiçəklənib. İran erməni kilsələrinin təmirinə pul xərcləyib”, – deyə Sargsyan bildirib.
