Çeçenistan lideri Ramzan Kadırov Türkiyə hakimiyyətini terrorçuları dəstəkləməkdə ittiham edib.
“Çeçenistan Respublikası parlamentinin, hüquq-mühafizə orqanlarının və din xadimlərinin nümayəndələri mənə müraciət edərək, Türkiyə hakimiyyətinin Rusiyada cinayət törətmiş terrorçuları ört-basdır edən hərəkətlərinə cavab verməyi xahiş etdilər”, – deyə Kadırov Telegram kanalında yazıb, RİA Novosti bildirir.
O, Türkiyə prezidenti Rəcəb Ərdoğana da qərar tələbi ilə müraciət edib: “Ya siz terrorçuları açıq şəkildə dəstəkləyən dövlət statusu alacaqsınız, ya da Rusiya Federasiyasının arxasında öz əqidənizi dəyişmədən, onunla şəffaf və dürüst münasibətləri müdafiə edin”.
O, həmçinin Rusiya Xarici İşlər Nazirliyini Türkiyə hakimiyyətinə qarşı qabaqlayıcı diplomatik tədbirlər görməyə çağırıb, çünki “Türkiyə hakimiyyətinin hərəkətləri əsrlər boyu inkişaf edən Rusiya-Türkiyə münasibətləri üçün birbaşa təhlükədir”.
