ER Baş naziri Nikol Paşinyan Kollektiv Təhlükəsizlik Müqaviləsi Təşkilatının baş katibi Stansilav Zası qəbul edib.
Baş nazir KTMT baş katibini Yerevanda salamlayaraq qeyd edib ki, onun səfəri KTMT regionunda mövcud vəziyyəti müzakirə etmək, həmçinin 2021-ci ildə KTMT-nin fəaliyyətini yekunlaşdırmaq üçün yaxşı fürsətdir.
Stanislav Zas görüşə görə təşəkkürünü bildirib. O qeyd etdi ki, KTMT-nin gələn il fəaliyyətinə dair əsas planlaşdırma sənədi artıq hazırlanıb.
“Bu, sentyabr iclaslarının qərarlarının icrası və erməni tərəfinin sədrliyi dövründə müəyyən etdiyi prioritetlərin həyata keçirilməsidir.
Biz artıq o sənədi hazırladıq və bütün dövlətlərimizlə razılaşmışıq. Sənəd Düşənbədə payız sessiyası zamanı qaldırdığınız bütün prioritetləri əks etdirir”,- deyə Zas qeyd etdi.
İclasda KTMT-nin məsuliyyət zonasında mövcud vəziyyət, problemlər və çağırışların aradan qaldırılmasına yönəlmiş addımlar, o cümlədən təşkilatın 2022-ci ildə nəzərdə tutacaq proqramı və tədbirləri müzakirə edilib.
