Muradyan əsirlərin vəziyyətini öyrənmək üçün Bakıya həkimlər göndərməyi təklif edib
Yerevan Dövlət Tibb Universiteti-nun rektoru Armen Muradyan Azərbaycan cəmiyyətinin nümayəndələri ilə görüşdə Bakıda saxlanılan erməni hərbi əsirlərin sağlamlıq vəziyyəti ilə bağlı məsələləri qaldırıb. YDTU-nun administrasiya rəhbəri Şuşan Danielyan Sputnik Armenia-ya müsahibəsində Ermənistan və Azərbaycan cəmiyyətlərinin nümayəndələrinin Moskvada keçirdiyi görüşlə bağlı təfərrüatları açıqlayıb.
Biz xəbər vermişdik ki, Moskvada Ermənistan və Azərbaycan cəmiyyətlərinin nümayəndələri görüşüblər.
Görüş Rusiya Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvidkonun vasitəçiliyi ilə təşkil olunub.
“Armen Muradyan əsirlərin sağlamlıq vəziyyəti ilə bağlı məsələlərə toxunub. Azərbaycan tərəfi ilə müzakirələr zamanı o, təklif edib ki, mümkünsə, ermənilər deyilsə, heç olmasa, neytral ölkədən bir qrup həkim Bakıya gedib, əsirlərin vəziyyəti ilə bağlı etibarlı məlumat alınsın”,- Danielyan bildirib.
O əlavə edib ki, ən əsas məsələ əsirlərin qaytarılmasıdır.
