ABŞ Konqresinin Nümayəndələr Palatası Frank Palon ABŞ prezidenti Co Baydenin imzaladığı ABŞ Milli Müdafiə Qanununa toxunub. Palon “Twitter” hesabında yazıb ki, Bayden tərəfindən imzalanan qanun Türkiyə və Azərbaycan üçün mühüm müddəaları ehtiva edir.
“Bayden tərəfindən imzalanmış Milli Müdafiə Qanununda Azərbaycan və Türkiyənin Artsaxda törədilmiş hərbi cinayətlərə görə məsuliyyət daşımasına yönəlmiş vacib müddəalar var. Mən izləyəcəyəm ki, bu cinayətlərin sənədləşdirilməsində tələb olunan hesabatlar dəqiq olsun”, – deyə o yazıb.
Əlavə edək ki, Bayden 2022-ci ildə Milli Müdafiə Qanununu (NDAA) imzalayıb. Qanuna görə, müdafiə ehtiyacları üçün 770 milyard dollar təmin edilir.
