Azərbaycan Silahlı Qüvvələrinin itkiləri – Real rəqəmlər gizlədilir
Razminfo” saytı özünün etibarlı mənbələrinə əsaslanaraq hər il Azərbaycan ordusunda həlak olanların sayı ilə bağlı məlumatları dərc edir. 2021-ci ildə Azərbaycan Silahlı Qüvvələrində və digər güc strukturlarında ən azı 78 itki olub ki, onların da əksəriyyəti qeyri-döyüş şəraitində olub.
“Razminfo”-nun koordinatoru Karen Vrtanesyan “Radiolur”-a bildirib ki, müharibədən əvvəlki dövrdən fərqli olaraq, indi itkilərin olması əsaslandırılır və bu, Azərbaycan hakimiyyətini tənqiddən azad edir.
“Razminfo” ixtisaslaşmış saytı etibarlı mənbələrindən öyrənib ki, 2021-ci ildə Azərbaycan Silahlı Qüvvələrində və digər güc strukturlarda olan 78 itkidən ən azı 13-ü döyüş şəraitində ölüb. Təxminən 58 nəfərin qeyri-döyüş şəraitində ölüm fərziyyəsi yayılıb, daha 7 nəfərin ölümünün dəqiq səbəbləri məlum deyil.
78 itkidən Azərbaycan rəsmi olaraq yalnız 53-nü açıqlayıb, qalanlar haqqında isə Azərbaycanın müxalifət xəbər saytları və sosial şəbəkələri məlumat yayıb.
“44 günlük Artsax müharibəsindən sonra Bakı Silahlı Qüvvələrdəki itkilərini əsaslandırmağa çalışır ki, bu da hakimiyyəti tənqid etməmək üçün əsasdır”,-Vrtanesyan deyib.
O qeyd edir ki, Azərbaycan demək olar ki, həmişə itkilərini gizlədir, bəziləri aylar, hətta illər sonra üzə çıxır.
Vrtanesyanın sözlərinə görə, hətta elə illər olub ki, bizim hesablamalarımıza görə, onların 200-dən çox itkisi olub, söhbət 2014-2015-ci illərdən gedir. “Bizim hesablamalarımıza görə, aprel döyüşlərinin itkiləri də gizlədilib – 100-ə yaxın ad gizlədilib. Amma 44 günlük müharibədən sonra düşmən ordusundakı vəziyyəti, itkilər barədə məlumatları yoxlamaq çətinləşdi. Əvvəllər daha asan idi”.
