Ermənistanın Baş naziri Nikol Paşinyanla Rusiya Prezidenti Vladimir Putin arasında telefon danışığı olub.
Bu barədə Kremlin Mətbuat Xidməti məlumat yayıb.
Qeyd olunur ki, Ermənistanın KTMT-yə sədrliyi nəzərə alınaraq, KTMT-nin Qazaxıstandakı sülhməramlı missiyası ilə bağlı fikir mübadiləsi aparılıb. Qazaxıstanda vəziyyətin normallaşmasına töhfə verən sülhməramlı kontingentin səmərəli koordinasiyası vurğulanıb.
Dağlıq Qarabağ ətrafında mövcud vəziyyət, Ermənistan, Rusiya və Azərbaycan liderlərinin 9 noyabr 2020-ci il, 11 yanvar 2021-ci il və 26 noyabr 2021-ci il tarixlərində qəbul etdikləri bəyanatlarda təsbit olunmuş razılaşmaların icrasına dair bəzi məsələlər müzakirə edilib.
İki ölkə liderləri müxtəlif səviyyələrdə təmasları davam etdirmək barədə razılığa gəliblər.
