Xristian Dünyası reaksiya verməlidir – Azərbaycan artıq dini düşmənçiliyi təbliğ etməyə başlayıb
Azərbaycanın sülhsevər çağırışları xarici dünya üçün bir pərdədir. Əslində bu çağırışların altında heç bir vicdanlı motiv yoxdur, əvəzində Azərbaycanın artıq etnik ədavətdən dini ədavətin təbliğinə, dövlət səviyyəsində düşmənçiliyin qızışdırılmasına, erməni kilsələrini dağıdılmasına dair bir çox nümunələr və danılmaz faktlar var.
Azərbaycan ən yüksək dövlət səviyyəsində nifrət təbliğ edir, dini düşmənçiliyi qızışdırır və eyni zamanda, Ermənistanı islamofobiyada ittiham edərək, mütləq saxtakarlığa əl atır. Erməni kilsə və monastırlarının tarixini və mənsubiyyətini dəyişdirmək üçün dövlət səviyyəsində bütün addımlar atılır. Bu barədə Ermənistanın Ombudsmanı Arman Tatoyan bildirib.
“Azərbaycanlılar bizdə kritik həddə çatan islamofobiya olduğunu iddia edirlər. İslamofobiya olsaydı, Şuşidəki kilsələri qorumazdıq. Bəs onlar Mexakavan kilsəsinin dağıdılmasını, Matğisdəki Müqəddəs Yeğişe kilsəsinin, Şuşidəki Qazançetsots kilsəsinin təhqir olunmasını necə izah edəcəklər? Bakıda erməni kilsəsi var, amma araşdırmalarımız göstərir ki, xaç götürülüb, məzar daşları götürülüb. Bütün bu məsələlər qaldırılmalıdır”.
Əlyazması dəyişməyib. Azərbaycan erməniliyi aradan qaldırmaq üçün əlindən gələni edir. Bunu Artsax Yeparxiyasının rəhbəri yepiskop Ter-Vrtanes Abrahamyan “Radiolur”a deyib.
“Onlar burada xristianlıq izlərinin olmasını istəmirlər, çünki bu, şahidlikdir, silinən sübutdur. Köçəri tayfanın təbiətinə uyğun olaraq öz işlərini görürlər”.
Erməni mədəni irsinə qarşı mədəni soyqırımın baş verdiyi göz qabağındadır. Bu gün biz kilsələrimizin dağıdılmasını sosyal mediada azərbaycanlı istifadəçilərin nəşrlərindən öyrənirik.
Müqəddəs Eçmiatsinin Artsax Mədəni-Dini İrsinin Qorunması İdarəsinin direktoru Qaregin Hambardzumyan deyir ki, o, həmin nəşrlərdən Hadrutdakı xaçkarların və kilsənin təhqir olunduğunu öyrənib.
“Şübhəsiz ki, bu kilsələrlə yanaşı, oradakı digər kilsələr də eyni durumdadır. Xristian dünyası bu barədə danışmalıdır. Erməni kilsəsi dəfələrlə xristian dünyasına, kilsələrarası, dini strukturlara müraciət edib. UNESCO-ya da müraciət edilib”.
Artsax Mədəni-Dini İrsin Qorunması İdarəsinin direktoru xatırladır ki, beynəlxalq konfrans zamanı Katolikos dünyanın ən mühüm kilsələrarası xristian strukturlarının rəhbərlərinə azərbaycanlılar tərəfindən törədilən mədəni soyqırımın addımlarını təqdim etdi. Qaregin Hambardzumyan deyir ki, erməni kilsələrinin mənsubiyyətinin şübhə altına alınmasının siyasi əsasları var.
“Düşünürəm ki, beynəlxalq ictimaiyyət bütün bunları yaxşı bilir. Tarixi yenidən yaza bilməzsən, tarix artıq yazılmışdır. Bu gün media vasitəsilə manipulyasiya addımları ilə bunun əksini təqdim etməyə cəhd edilirsə, bu məsələ artıq başqa sahəyə daxil olur”.
Ermənistan Ombudsmanının son hesabatı da öz növbəsində danılmaz faktlar təqdim edir. Azərbaycanlıların vəhşiliklərini əks etdirən videogörüntülərdən də görünür ki, Azərbaycan hərbçiləri anti-erməni dini fanatizmlə hərəkət edirlər. Kadrlarda erməni əsirlərin daşıdıqları xaçların necə vəhşicəsinə götürülüb məhv edildiyi görünür. Əsirlərin dini hüquqları pozulub. Üstəlik, erməni hərbi əsirlərdən biri dini zəmində işgəncələrə və təhqirlərə məruz qalıb.
Çoxlu misallar var, faktlar danılmazdır. Azərbaycan artıq etnik ədavətdən dini ədavətin təbliğatına keçib, eyni zamanda Ermənistana qarşı ittihamlar irəli sürür. Xristian dünyası bu məsələni qaldırmalıdır.
