Rusiya ilə Azərbaycan arasında müttəfiqlik əməkdaşlığı haqqında bəyannamənin imzalanması ilə bağlı Ermənistanın mövqeyi necədir?
Ermənistan və Rusiya arasında qurulan və xalqlar arasında çoxəsrlik dostluğa əsaslanan dövlətlərarası müttəfiqlik əməkdaşlığı öz-özünü təmin edən xarakter daşıyır və bu, heç bir halda üçüncü dövlətlərlə münasibətlərlə şərtlənmir, əgər onlar erməni-rus ittifaqının zərərinə inkişaf etmirsə.
Bunu tarix və imzalanmış sənədlər də sübut edir. Bu haqda jurnalist ilə söhbətində ER Xarici işlər nazirliyinin sözçüsü Vahan Hunanyan məlumat verib.
Xatırladaq ki, fevralın 22-də Moskvada Rusiya və Azərbaycan prezidentləri Vladimir Putin və İlham Əliyev müttəfiqlik əməkdaşlığı haqqında bəyannamə imzalayıblar.
Orada bildirilir ki, Rusiya və Azərbaycan hərbi əməkdaşlığı dərinləşdirmək niyyətindədir.
“Yerevan və Moskva müxtəlif səviyyələrdə, o cümlədən yüksək səviyyələrdə, zəmanətli təhlükəsizlik şəraitində ölkələrimizin inkişafının xeyrinə həm ikitərəfli, həm də çoxtərəfli miqyasda əlaqələrin genişləndirilməsi istiqamətində ardıcıl addımlar atır” – deyərək Hunanyan bildirib.
Xarici işlər nazirliyi ümid edir ki, bu il Moskvada fevralın 22-də imzalanmış bəyannamə Ermənistan, Rusiya və Azərbaycan liderləri tərəfindən qəbul edilmiş üçtərəfli bəyanatın müddəalarının həyata keçirilməsinin irəliləyişinə əlavə imkan yaradacaq.
Bu, həm də ATƏT-in Minsk Qrupunun həmsədrlik mandatı çərçivəsində Dağlıq Qarabağ münaqişəsinin hərtərəfli həllinə töhfə verə bilər.
